1389. Oktober 18. Czarnowanz

In Nomine Domini Amen. Anno a nativitate eiusdem Millesimo Trecentesimo Octuagesimo nono Indiccione duodecima, die decima octava Mensis Octobris, hora vesperorum vel quasi, in Stuba lignea Communi Conventus Monasterii Sanctimonialium Domusdei alias in Czarnowans ordinis Premonstratensis prope Opol dyocesis Wratislauiensis In mei Notarii publici et testium subscriptorum presencia Constitute personaliter Venerabiles ac deodevote Virgines atque Sorores, Philomena Priorissa, Dorothea Subpriorissa, Clara Celeraria, Boguska Custrix, Gertrudis Circatrix, Anna Cantrix, Bronislaua Succcntrix, Katherina Marschowna, Offka Scaliczanka, Helena Jagodzanka, Elizabeth Andree, Agnes Wincencii, Agnes Swirczowna, Margaretha Stephcowna, Barbara Beczowna ac Heszka Janussii de Odra, Totusque Conventus Monialium Domusdei Monasterii in Czarnowans prope Opol prememorati, Attendentes multiplices occupaciones atque negocia ipsarum Monasterii Domusdei sepedicti, propter que prefatum Monasterium ipsarum non modicum posset recipere detrimentum ac sui eciam Juris lesionem, et ne in multis tribulacionibus et angustiis relicte per Mathiam olim prepositum ipsarum atque Monasterii Domusdei sepedicti, prefatas Virgines atque totum Conventum earum velut oves pastore carentes oberrare contingat, Considerantesque de probitate et legalitate Religiosi viri fratris Nicolai de Gane plebani in Opatow, ipsum in ipsarum et dicti ipsarum Monasterii elegerunt provisorem, et nichilominus citra revocacionem aliorum procuratorum, quos per presentem constitucionem et ordinacionem non intendunt revocare aliquatenus, fecerunt, constituerunt, et modo ac forma melioribus quibus potuerunt ordinaverunt, prefatum fratrem Nicolaum ipsarum atque ipsarum Monasterii procuratorem et negociorum gestorem et nunccium specialem et generalem, dantes et concedentes eidem plenani et omnimodam potestatem ad regendum, gubernandum et administrandum, ac regi gubernari faciendum ipsarum nomine omnia et singula bona et Jura Monasterii ipsarum, et ea tenendum defendendum et recupcrandum, Jura et Jurisdicciones in subditos Monasterii antedicti exercendum et exerceri faciendum, fructus Redditus et proventus, omnes et singulas obvenciones emolumenta et Jura que ad dictum Monasterium ipsarum spectare et pertinere dinoscuntur Et de hiis que reciperent finem quitacionem et pactum de ulterius non petendo faciendum, Promittentes enim, bona fide et sine dolo omnia et singula que per dictum fratrem Nicolaum ipsarum nomine acta gesta et facta fuerint, ratum habere atque gratum, ac eundem fratrem Nicolaum de et ab omnibus vexacionibus fatigis et attemptacionibus si quas ipsum occasione procuracionis seu administracionis et gubernacionis huiusmodi a quoquam sustineat disbrigare, eciam si propter premissa aliqua dampna seu expensas fecerit vel pati contigerit, eas et ea sibi restituere et resartiri, et de hoc stare suo verbo simplici et credere absque aliquo testium et probacionis sacramento. Renunciantes nichilominus eciam omnibus et singulis excepcionibus Juris canonici et civilis et omnibus aliis et singulis Juris auxiliis quibus ipse contra premissa omnia et singula (se) defendere possent quomodolibet vel tueri et spetialiter legi dicenti generalem renunciacionem non valere. Super quibus omnibus et singulis prernissis prefatus frater Nicolaus a me Notario publico infrascripto sibi fieri peciit hoc presens publicum instrumentum. Acta sunt hec Anno Indiccione die Mense hora et loco quibus supra Presentibus Honorabili ac discretis viris dominis Nicolao Mroczconis de Marschowicz Custode ecclesie sancte Crucis Opoliensis, Nicolao Pauli de Niclin prope Schorgast, Petro plebano ecclesie parrochialis in Roscochow Capellanis Monasterii Sanctimonialium in Czarnowans, Adam Clementis Slupik de Nova Raudecz Clerico Crac. dyoc. Notario Publico, Stanislao de Brenicia Campanatore dicti Monasterii Domusdei ac Janussio familiari dicti domini Nicolai Custodis Opoliensis testibus ad premissa vocatis spetialiter et rogatis.
Signum Notarii.
Et ego Petrus Schorgast olim Jaschconis clericus Wrat. dyoc. publicus Imperiali auctoritate Notarius, predictis eleccioni, constitucioni ac procuratoris ordinacioni ac aliis omnibus et singulis premissis dum sic ut premittitur fierent et agerentur, una cum prenominatis testibus presens fui, eaque sic fieri vidi et audivi et in hanc publicam formam redegi, signo et nomine meis solitis et consuetis consignando in fidem et testimonium omnium premissorum Rogatus ac Requisitus. Constat michi Notario prefato de ista diccione relicte quam ad spacium posui non causa vicii sed erroris.

Aus dem Original im Archive von S. Vincenz.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 1, Urkunden des Klosters Czarnowanz. Hrsg von dr W. Wattenbach, Breslau 1857.